شېنجېن ۋە فۇجۇ شەھەرلىرىدە نەچچە مىڭ كىشىلىك نامايىش يۈز بەردى

مۇخبىرىمىز مېھرىبان
2015-03-17
Share

16-، 17-مارت كۈنلىرى خىتاينىڭ شېنجېن ۋە فۇجۇ شەھەرلىرىدە نەچچە مىڭ كىشىلىك نامايىش ۋەقەلىرى يۈز بەردى. ئەمما خىتاينىڭ ھۆكۈمەت تاراتقۇلىرى بۇ ھەقتە مەلۇمات بەرمىدى.

رادىئويىمىزنىڭ ئىگىلىشىچە، 16-، 17-مارت كۈنلىرى شېنجېن ياجۈن كۆزەينەك زاۋۇتىدىكى 5000 دىن ئارتۇق ئىشچى ئىش ھەققىنى ئۆستۈرۈشنى تەلەپ قىلىپ ئىش تاشلاپ نامايىش قىلغان. ئوخشاش كۈنلەردە يەنە، فۇجيەن ئۆلكىسىنىڭ فۇجۇ شەھىرىدە دورا زاۋۇتى قۇرۇلۇشىغا نارازىلىق قىلغان 1000 دىن ئارتۇق خىتاي پۇقراسى كوچا ئايلىنىپ نامايىش قىلىپ، دورا زاۋۇتى قۇرۇلۇشى سەۋەبىدىن شەھەر مۇھىتىنىڭ بۇزغۇنچىلىققا ئۇچرايدىغانلىقىنى بىلدۈرگەن.

يېقىنقى يىللاردا، خىتايدا ئىقتىسادىي قۇرۇلۇش تەرەققىياتى بىلەن بىرگە يەنە، خىتاي زاۋۇتلىرىدا ئىشلەۋاتقان ئىشچىلار بىلەن زاۋۇت خوجايىنلىرى ئارىسىدىكى ئىختىلاپلار كۈچەيدى. تېرىلغۇ يەرلەر شىركەت ۋە زاۋۇتلار تەرىپىدىن ئىگىلىۋېلىنىپ، زاۋۇتلار چىقارغان زەھەرلىك گاز ۋە كېرەكسىز سۇ خىتايدا مۇھىت بۇلغىنىشىنى ئېغىرلاشتۇردى. مەلۇم بولۇشىچە، نۆۋەتتە خىتايدا يۈز بېرىۋاتقان كۆپلىگەن نارازىلىق نامايىشلىرى ئىشچىلارنىڭ ئىش ھەققىنى ئۆستۈرۈشنى تەلەپ قىلىش، يېرىدىن ئايرىلغان دېھقان-چارۋىچىلارنىڭ نارازىلىقى ۋە خىتاي پۇقرالىرىنىڭ بۇلغىنىۋاتقان مۇھىتقا بولغان نارازىلىقى سەۋەبىدىن يۈز بەرمەكتە ئىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت