Шенҗен вә фуҗу шәһәрлиридә нәччә миң кишилик намайиш йүз бәрди

Мухбиримиз меһрибан
2015-03-17
Елхәт
Пикир
Share
Принт

16-, 17-март күнлири хитайниң шенҗен вә фуҗу шәһәрлиридә нәччә миң кишилик намайиш вәқәлири йүз бәрди. Әмма хитайниң һөкүмәт таратқулири бу һәқтә мәлумат бәрмиди.

Радиойимизниң игилишичә, 16-, 17-март күнлири шенҗен яҗүн көзәйнәк завутидики 5000 дин артуқ ишчи иш һәққини өстүрүшни тәләп қилип иш ташлап намайиш қилған. Охшаш күнләрдә йәнә, фуҗйән өлкисиниң фуҗу шәһиридә дора завути қурулушиға наразилиқ қилған 1000 дин артуқ хитай пуқраси коча айлинип намайиш қилип, дора завути қурулуши сәвәбидин шәһәр муһитиниң бузғунчилиққа учрайдиғанлиқини билдүргән.

Йеқинқи йилларда, хитайда иқтисадий қурулуш тәрәққияти билән биргә йәнә, хитай завутлирида ишләватқан ишчилар билән завут хоҗайинлири арисидики ихтилаплар күчәйди. Терилғу йәрләр ширкәт вә завутлар тәрипидин игиливелинип, завутлар чиқарған зәһәрлик газ вә керәксиз су хитайда муһит булғинишини еғирлаштурди. Мәлум болушичә, нөвәттә хитайда йүз бериватқан көплигән наразилиқ намайишлири ишчиларниң иш һәққини өстүрүшни тәләп қилиш, йеридин айрилған деһқан-чарвичиларниң наразилиқи вә хитай пуқралириниң булғиниватқан муһитқа болған наразилиқи сәвәбидин йүз бәрмәктә икән.

Толуқ бәт