Shénjén we fuju sheherliride nechche ming kishilik namayish yüz berdi

Muxbirimiz méhriban
2015-03-17
Share

16-, 17-mart künliri xitayning shénjén we fuju sheherliride nechche ming kishilik namayish weqeliri yüz berdi. Emma xitayning hökümet taratquliri bu heqte melumat bermidi.

Radi'oyimizning igilishiche, 16-, 17-mart künliri shénjén yajün közeynek zawutidiki 5000 din artuq ishchi ish heqqini östürüshni telep qilip ish tashlap namayish qilghan. Oxshash künlerde yene, fujyen ölkisining fuju shehiride dora zawuti qurulushigha naraziliq qilghan 1000 din artuq xitay puqrasi kocha aylinip namayish qilip, dora zawuti qurulushi sewebidin sheher muhitining buzghunchiliqqa uchraydighanliqini bildürgen.

Yéqinqi yillarda, xitayda iqtisadiy qurulush tereqqiyati bilen birge yene, xitay zawutlirida ishlewatqan ishchilar bilen zawut xojayinliri arisidiki ixtilaplar kücheydi. Térilghu yerler shirket we zawutlar teripidin igiliwélinip, zawutlar chiqarghan zeherlik gaz we kéreksiz su xitayda muhit bulghinishini éghirlashturdi. Melum bolushiche, nöwette xitayda yüz bériwatqan köpligen naraziliq namayishliri ishchilarning ish heqqini östürüshni telep qilish, yéridin ayrilghan déhqan-charwichilarning naraziliqi we xitay puqralirining bulghiniwatqan muhitqa bolghan naraziliqi sewebidin yüz bermekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet