Хейлоңҗаңда 2000 дин артуқ ишчи наразилиқ намайиши қилди

Мухбиримиз меһрибан
2013-09-17
Share

16-Сентәбир дүшәнбә күни хитайниң хейлоңҗаң өлкиси җиши шәһиридә 2000 дин артуқ ишчи 6 айдин буян тутуп қелинған иш һәққини тәләп қилип намайиш қилди.

Үндидарға йолланған рәсимлик хәвәрдин мәлум болушичә, дүшәнбә күни әтигән, җиши шәһири бейгаң полат ширкитигә қарашлиқ завуттики 2000 дин артуқ ишчи "биз яшишимиз керәк, тамақ йийишимиз керәк,иш һәққимиз берилсун" дегән хәтләр йезилған плакатни көтүрүп җишин шәһәр мәркизидә намайиш қилған.

Радиомиз игилигән әһваллардин мәлум болушичә, бейгаң полат ширкити ширкәтниң иқтисадий әһвали начар дегәнни баһанә қилип, йеқинқи икки йилдин буян ишчиларниң иҗтимаий параванлиқ пулини түтивалған. 6 Айдин буян ишчиларниң айлиқ маашиму тохтитилған. Бу әһвал ишчиларниң наразилиқини қозғиған. Бейгаң полат завути ишчилири 15-сентәбир йәкшәнбә наразилиқ намайишини башлиған болуп, 16-сентәбир дүшәнбә күни 2000дин артуқ ишчи иш ташлап шәһәр мәркизидә наразилиқ намайиши қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт