Xéylongjangda 2000 din artuq ishchi naraziliq namayishi qildi

Muxbirimiz méhriban
2013-09-17
Élxet
Pikir
Share
Print

16-Séntebir düshenbe küni xitayning xéylongjang ölkisi jishi shehiride 2000 din artuq ishchi 6 aydin buyan tutup qélin'ghan ish heqqini telep qilip namayish qildi.

Ündidargha yollan'ghan resimlik xewerdin melum bolushiche, düshenbe küni etigen, jishi shehiri béygang polat shirkitige qarashliq zawuttiki 2000 din artuq ishchi "Biz yashishimiz kérek, tamaq yiyishimiz kérek,ish heqqimiz bérilsun" dégen xetler yézilghan plakatni kötürüp jishin sheher merkizide namayish qilghan.

Radi'omiz igiligen ehwallardin melum bolushiche, béygang polat shirkiti shirketning iqtisadiy ehwali nachar dégenni bahane qilip, yéqinqi ikki yildin buyan ishchilarning ijtima'iy parawanliq pulini tütiwalghan. 6 Aydin buyan ishchilarning ayliq ma'ashimu toxtitilghan. Bu ehwal ishchilarning naraziliqini qozghighan. Béygang polat zawuti ishchiliri 15-séntebir yekshenbe naraziliq namayishini bashlighan bolup, 16-séntebir düshenbe küni 2000din artuq ishchi ish tashlap sheher merkizide naraziliq namayishi qilghan.

Toluq bet