Xitayning guyju, jyangshi, fujyen ölkiliride naraziliq namayishliri yüz berdi

Muxbirimiz méhriban
2014-10-21
Share

Yéqindin buyan xitay ölke, sheherliride puqralarning naraziliq heriketliri barghanche köpeygen bolup, peqet 20-öktebir düshenbe küni bir kün ichidila xitayning birqanche ölkiside yüz bergen naraziliq namayishliri saqchilarning basturushigha uchridi.

Chet'ellerdiki xitay démokratlirining tor béketliridin molixu'a torining 21-öktebirdiki xéwirdin melum bolushiche, düshenbe küni guyju, jyangshi, fujyen, senshi, xéylungjyang qatarliq ölkiliride nechche yüzligen ammining toplinip naraziliq bildürüsh namayishi élip bérilghan bolup, bu yighilishlar yerlik da'iriler teripidin basturulghan we tonunush yüz bérip yarilinish weqeliri körülgendin bashqa namayish bashlamchiliri tutqun qilin'ghan.

Xewerde déyilishiche, guyju ölkisining merkizi guyyangda yüz bergen hökümet da'irilirining yer igilishige qarshiliq bildürüsh namayishigha qatnashqan nechche yüzligen puqralar sheherlik hökümet ewetken 100 nechche saqchi teripidin basturushqa uchrap 16 adem tutqun qilin'ghan. Fu jyenning shyamén shehiride yüz bergen 300 kishi lozunka kötürüp élip barghan öy bahasining ösüp kétishige naraziliq bildürüsh namayishida 6 adem tutqun qilinip, nechche on adem yarilan'ghan. Senshi ölkisining bawji shehiride yüz bergen öy shirketlirige naraziliq bildürüsh namayishida saqchilar namayishchilargha laza süyi chéchip namayishchilarni tarqitiwetken we bashlamchilarni qolgha alghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.