Jéjyangning wénling shehiride bir türküm doxturlar naraziliq namayishi ötküzdi

Muxbirimiz shöhret hoshur
2013-10-28
Élxet
Pikir
Share
Print

Jéjyang ölkisining wénling shehiride bügün bir türküm doxturlar naraziliq namayishi ötküzgen. Sheherlik 1-doxturxana aldigha toplan'ghan yüzlerche doxtur, hökümet we doxturxana mes'ullirining doxturlarning bixeterlikini qoghdishini telep qilghan.

Melum bolushiche, bu namayishqa, jüme küni bir bimarning 3 neper doxturni pichaq tiqip öltürüshi seweb bolghan. Birleshme agéntliqining bu heqtiki xewiride yene bayan qilinishiche, mezkur doxturxanida dawalan'ghan bir bimar opératsiye qilin'ghandin kéyin salametlik ehwalida yaxshilinish bolmighan؛ u doxturxanigha qayta barghinida doxturlarning uning bilen kari bolmighan. Netijide, bimar mezkur weqeni peyda qilghan.

Birleshme agéntliqining ziyaritini qobul qilghan béyjing uniwérsitétining sehiye mutexessisi lyu jitong, xitayning sehiye sistémisida mesile barliqini éytqan. U xitayning nöwettiki sehiye sistémisida insaniy exlaq we mes'uliyet teripidin köprek, tijariy teripige ehmiyet bérilgenlikini tilgha élip, "Dawalashta pul asasiy meqset bolghachqa, bimarlar doxturlargha ishenmeydu"dégen. Melum bolushiche, xitayda bimarlarning doxturlargha hujum qilishi mushuning bilen yéqinqi bir ay ichide 3-qétim yüz bérishidur.

Toluq bet