Tonulghan xitay tarix proféssorining yéngi kitabi kitabxanilardin yighiwélin'ghan

Muxbirimiz irade
2015-12-03
Share

"Maliye waqti géziti" ning xewer qilishiche, xitaydiki chingxu'a uniwérsitétining tonulghan tarix proféssori chin xuyning yéngi kitabi kitabxanilardin yighiwétilgen. Kitabning ismi "Padishahliq tüzümdin chiqish" bolup, uningda aptor ching xanidanliqining axirqi mezgilidin jang keyshining milletchi réjimigha bolghan dewr bayan qilinish arqiliq, asasiy qanun'gha tayan'ghan bir démokratiye turghuzush pikri ilgiri sürgen iken.

Proféssor chén xuy maliye waqti géziti muxbirigha kitabining cheklen'genlikini éytqan we "Bu xuddi ular birini öltürüp, andin u toghruluq séni gep qilghili qoymighandek ish. Men kitabimning cheklen'genliki toghruluq éghiz achalmaywatimen" dégen.

Xewerde éytilishiche, muxbir béyjingdiki kitabni neshr qilghan orun'gha téléfon qilip, kitabning néme üchün yighiwélin'ghanliqini sorighinida, bir xadim kitabta "Süpet mesilisi" körülgenlikini éytqan. Shinxu'a agéntliqigha qarashliq resmiy kitabxana xadimi bolsa kitabni "Sétilip boldi" dégen.

Xitay hökümiti aldinqi yili bir qarar maqullap, her yili 4-dékabir künini "Asasiy qanun" küni qilip xatirileshni békitken idi. Proféssor chén xuyning kitabi del bu xatire küni yétip kélish aldida yighiwélin'ghan.

Xelq'ara kishilik hoquq organliri xitayda "Döletni qanun bilen idare qilish", "Edliye musteqilliqi" we shundaqla pikir erkinlikining ilgirilep qamal qiliniwatqanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet