Гуаңшидики партлаш вәқәси гумандариниң өлгәнлики мәлум

Мухбиримиз меһрибан
2015-10-02
Share

2-Өктәбирдики хәвәрләргә қариғанда, гуаңшиниң лючең наһийисидә йүз бәргән зәнҗирсиман партлаш вәқәсидики гумандар партлашта өлгән.

Шинхуа ахбаратиниң хәвәр қилишичә, лию җу шәһәрлик сақчи гумандар вей йинйоңниң чаршәнбә күнидики партлашта өлгәнликини дәлиллигән.

Мәлум болушичә, 30-сентәбир вә 1-өктәбир күнлири гуаңши җуаң аптоном райони лию чиң наһийисиниң охшимиған җайлирида 18 қетим партлаш вәқәси йүз бәргән. Шинхуа агентлиқи гуаңши сақчилириниң сөзини нәқил елип, партлашта 11 адәм өлгәнлики, 51 адәм охшимиған дәриҗидә яриланғанлиқини хәвәр қилған.

Түнүгүн "җәнубий астана гезити" дики бу һәқтики бир хәвиридә, җуаң миллитидин болған 33 яшлар чамисидики бу гумандарниң әсли лию чиң наһийисидики бир таш каниниң партлатқуч буюмларни сақлаш хадими икәнликини көрсәтти.

Хәвәргә қариғанда, гумандар вәқә йүз бериштин илгири иҗтимаий алақә торлирида инкас йоллап, кан даирилиридин нарази болғанлиқи вә өзиниң өч алидиғанлиқини билдүргән икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт