Xangju shehiri shaxé bazirida tarqitilghan bombidin saqlinish uqturushi wehime qozghidi

Muxbirimiz méhriban
2015-10-02
Share

Chet'ellerdiki xitay taratquliridin "Boshün" torining jüme künidiki sanida xitayning xangju shehiri shaxé baziri 2-öktebir tarqatqan bombidin saqlinish uqturushining foto resimi bérildi.

Uqturushta kishiler gu'angshining liyuju shehiri liyu ching nahiyisidin ewetilgen herqandaq pochta yollanmisini achmasliqqa agahlandurulghan we liyuju shehiridin pochta yollanmisi tapshuruwalghan herqandaq kishi derhal saqchigha melum qilishqa buyrulghan.

Melum bolushiche, gumandar yasighan 61 dane bomini 61 jaygha yollighan, hazirghiche bu bombilardin 18 danisi partlighan, yene 43 danisi téxi partlimighan iken.

"Boshün" torining bu resim heqqidiki izahatigha, "Liyu ju shehiridiki partlash gu'angshi ölkisidila wehime peyda qilip qalmastin, gu'angshidin yiraq bolghan jéjyangning xangju shehiridimu wehime peyda qildi, shaxé bazirida qattiq bixeterlik tedbirliri élindi. Töwendikisini shaxé bazirida tarqitilghan uqturushning esli nusxisi dep" yézilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet