Хитайда телефон картиси кимлик түзүми рәсмий йолға қоюлди

Мухбиримиз меһрибан
2015-09-01
Share

Хитайниң җуңго хәвәрләр тори телефон картиси кимлик түзүминиң 1-сентәбир сәйшәнбә күнидин башлап рәсмий йолға қоюлғанлиқини хәвәр қилди.

Хәвәрдә дейилишичә, һәрқайси җайлардики хитай телеграф идарилири 1-сентәбирдин башлап телефон картиси сетивалғучиларниң 2-әвлад кимликини елип келип тизимлитип телефон номури елишини йолға қойған.

Хәвәрдә дейилишичә, нөвәттә хитайда йәнила бирқисим телефон ширкәтлири вә әркин базарларда кимлики тизимланмайдиған телефон симкартлирини сетиш давамлишиватқан болуп, илгирики кимлики тизимланмиған телефон симкартлирини бирақла бикар қилиш мумкинчилики һазирчә йоқ икән. Әмма хитай һөкүмити 2014-йили телефон вә интернет алақисидә кимлик түзүмини йолға қоюшни уқтурғандин буян, хитайдики әң чоң икки телефон ширкити телефон картини кимлик бойичә сетиш түзүмини бултур йил ахиридин башлап йолға қойған. Бирләшмә телефон ширкити йәнә нөвәттә ишлитиливатқан кимлики тизимланмиған телефон картилириниң 1-сентәбирдин башлап мулазимити тохтайдиғанлиқини алаһидә уқтурған.

Хитай һөкүмити бултур йил ахири телефон вә интернетта кимлик түзүми йолға қоюлидиғанлиқини елан қилғандин кейин, хитай тор бекәтлиридә муназирә қозғилип, раст кимлик ишлитилгәнлики сәвәбидин шәхсләрниң мәхпийәтлики ашкарилинип кетиш әһвали көрүлсә, буниң җавабкарлиқи кимдә болидиғанлиқи вә пуқраларниң сөз әркинлики чәклимигә учриши мумкинлики қатарлиқ мәсилиләр муназирә темисиға айланған.

Чәтәлләрдики хитай демократлири вә ғәрб дөләтлири ахбаратлири хитай һөкүмитини телефон вә интернет алақисидә кимлик түзүмини йолға қоюш арқилиқ пуқраларниң сөз әркинликини чәкләш билән әйиблигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт