Америка һөкүмити: "хитайниң террорлуққа қарши туруш қануни пайдисиз"

Мухбиримиз ирадә
2015-12-22
Share

Америка һөкүмити хитай мақуллаш алдида турған "террорлуққа қарши туруш" қануниға болған җиддий әндишилирини ипадилиди. Ройтерс агентлиқиниң хәвәр қилишичә, америка дөләт ишлири министирлиқи баянатчиси габрелла прайс ханим сәйшәнбә күнидики мухбирларни күтүвелиш йиғинида бу һәқтә тохтилип, хитай һөкүмитиниң бу террорлуққа қарши туруш қанун лайиһиси хитайда пикир әркинлики, тинч йиғилиш, намайиш қилиш әркинлики вә диний әркинликни йәниму илгириләп чәкләшкә йол ечип бериду, дәп қарайдиғанлиқини билдүрди.

Габрилла прайис ханим сөзидә йәнә, хитай бу йил ичидә қобул қилип мақуллиған дөләт бихәтәрлики қануни вә чәтәлләрниң һөкүмәткә қарашлиқ болмиған органлирини башқуруш қанунлириниму тәнқид қилған.

У мундақ дегән: "биз мүҗмәл ибариләр билән шәрһләнгән мәзкур қанун лайиһәсиниң һәм шундақла бу йил ичидә қобул қилинған дөләт бихәтәрлик қануни, чәтәлләрниң һөкүмәткә қарашлиқ болмиған мустәқил органлирини башқуруш қанунлириниң террорлуқ хәвпигә қарши күрәш қилишта пайдисидин бәкрәк зийини көплүкигә ишинимиз."

Хитайниң "террорлуққа қарши туруш қануни" ни йеңи йил кириштин аввал мақуллап болидиғанлиқи мөлчәрләнмәктә.

Дүшәнбә күни улар буниң тәйярлиқи сүпитидә хитай җамаәт хәвпсизлики министирлиқида муавин министир дәриҗилик алаһидә комиссарлиқ орнини тәсис қилип, лю йөҗинни террорлуққа қарши тунҗи комиссарлиққа тәйинлигән иди.

Ройтерс агентлиқи бу һәқтики хәвиридә, хитай һөкүмитиниң "террор" ға қарши йеңи қануни арқилиқ асаслиқ уйғур аптоном районида көпийиватқан қаршилиқ һәрикәтлиригә зәрбә беришни нишан қиливатқанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт