Béyjingdiki “Ikki yighin” mezgilide tordiki uchur we munaziriler qattiq cheklen'gen

Muxbirimiz irade
2018-03-08
Share

Béyjingda échiliwatqan xitay xelq qurultiyi bilen xitay siyasiy kéngishining yilliq yighini mezgilide Uyghur élidiki torgha qaritilghan qamalning yenimu kücheygenliki melum bolmaqta. Radiyomiz igiligen uchurgha qarighanda, Uyghur aptonom rayonluq tor bashqurush da'iriliri bir uqturush tarqitip, 1-mart künidin étibaren torda we ündidar qatarliq alaqe wastilirida 9 xil témidiki uchurlarning qattiq cheklen'genlikini bildürgen.

Uqturushta siyasiy sezgürlüki bar témilarni, yalghan yawidaq sözlerni, ichki matériyallarni, zeherlik yaki sériq mezmundiki matériyallarni, xongkong we awmén weziyitige munasiwetlik xewerlerni, herbiy matériyallar we uchurlarni, dölet mexpiyetlikige bérip taqilidighan matériyallarni, dini étiqad heqqidiki munaziriler we milletler ittipaqliqigha tesir yetküzidighan gep-söz hemde chüshiniksiz ulanmilarni tarqatmasliq yaki torgha yollimasliq telep qilin'ghan. 

Yuqiridiki bu uqturush 1-mart künidin étibaren yolgha qoyulghan bolup, xilapliq qilghanlarning 8 yilghiche bolghan qamaq jazasi bilen jazalinidighanliqi eskertilgen. 

Chet'ellerdiki Uyghur közetküchiler, Uyghurlarning torda yuqiriqi témilar üstide sözlishishning alliqachan cheklinip bolghanliqini bildürüp, xitay hökümitining nöwette xitay tor qollan'ghuchilirining Uyghur élidiki weziyet üstide sözlishining aldini éliwatqan bolushi mumkinlikini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet