Туңган өлима хитай өлкилиридә уйғур оқуғучиларниң диний оқушини ашкара чәклигәнликини билдүрди

Мухбиримиз меһрибан
2016-05-10
Елхәт
Пикир
Share
Принт

Сақчи даирилири чиқарған «диний мәктәпләргә уйғур оқуғучиларни қобул қилмаслиқ уқтуруши» болғини үчүн, йүннәндики ислам диний мәктәплири уйғур оқуғучиларни йошурунчә қобул қилидиған.

Йеқинда америкиға кәлгән туңган мусулманлиридин йүннән ислам институтиниң сабиқ оқутқучиси, йүннәндә тонулған диний өлима ма шиңбав йәни юнус әпәнди, радиомиз зияритини қобул қилип, өзиниң йүннән өлкиси ислам диний мәктипидә оқутқучилиқ қилған мәзгилидә сақчи даирилири чиқарған «диний мәктәпләргә уйғур оқуғучиларни қобул қилмаслиқ уқтуруши» болғини үчүн, йүннәндики ислам диний мәктәплириниң уйғур оқуғучиларни йошурунчә қобул қилидиғанлиқини, хитай ичкири өлкилиридики туңган мусулманлириниң мәсчитлири вә бир қисим шәхсләр тәрипидин ечилған бәзи ислам диний мәктәплириниң бу сәвәбтин сақчилар тәрипидин тәкшүрүлүш һәтта тақиветилиш қисмитигә учриғанлиқини билдүрди.

Юнус әпәнди 2010-йилдин 2013-йил 9-айға қәдәр йүннән өлкисиниң геҗю вилайитидики туңган мусулманлириниң ианә топлиши билән ечилған, 1000 дин артуқ оқуғучиси бар шида ислам диний маарип институтида оқутқучилиқ қилған мәзгилидики әһвалларни баян қилип, «мәзкур мәктәпкә оқуш үчүн кәлгән 7-8 нәпәр уйғур оқуғучини йошурун қобул қилғанлиқини вә бу сәвәбтин мәзкур мәктәп даириләрниң тәкшүрүш обйектиға айлинип, өзиниң хитай сақчилириниң назарәт вә тәқиб қилиш һәтта тутқун қилиш, сорақ қилиш, ахирида йүннән өлкисидин қоғлиниш қисмитигә йолуққанлиқини билдүрди.

Юнус әпәнди сөзидә йәнә, ичкири өлкиләрдә тирикчилик қиливатқан уйғурларниң һәр вақит 2-дәриҗилик пуқра муамилисигә учрайдиғанлиқи вә қоғлинидиғанлиқи, һәтта һәр хил төһмәтләр артилип тутқун қилинип, түрмиләргә ташлинидиғанлиқини аңлатти.

Пикирләр (0)
Share
Толуқ бәт