Xéngshüy putbol kulubi Uyghur putbol notilirigha tosqunluq qilin'ghanliqini inkar qildi

Muxbirimiz erkin
2016-10-21
Élxet
Pikir
Share
Print

Xitayning xénen xéngshüy putbol kulubi, xitay amanliq organlirining xéngshüy putbol kulubigha qobul qilin'ghan 9 neper Uyghur balining orunlishishigha tosqunluq qilghanliqini inkar qilip, yerlik amanliq organlirini aqlighan.

Yéqinda, bu Uyghur balilarning tériniri amanliq organlirining "Térrorluq"ni bahane qilip, Uyghur balilarning mektepke kirishi, nopusini olturghuzushigha tosqunluq qilghanliqini ashkarilighan. Bu weqe Uyghur kishilik hoquq teshkilatlirining qattiq tenqidige uchrighan.

Xitay axbarat wasitilirining xewer qilishiche, xéngshüy putbol kulubining wang famililik bir tériniri amanliq organlirining "Térrorluq tehditi" ni bahane qilip, bu balilarning nopusqa olturushi, mektepke kirishige tosqunluq qilghanliqigha da'ir xewerlerning héchqandaq asasi yoq we pütünley mes'uliyetsizlik, dégen. Térinir wangning ilgiri sürüshiche, hazir bu 9 Uyghur balidin 4 i orunliship bolghan, qalghan 5 balining mesilisini hökümet bilen sözleshmektiken.

U, "Bu 9 balining shinjangdin kélip, xéngshüyde mektepke kirishi we putbol meshiqige qatnishish mesilisi bolghachqa, da'iriler nahayiti éhtiyat qildi" dégen bolsimu, emma da'irilerdiki bu éhtiyatchanliqning sewebini chüshendürmigen.

Halbuki, Uyghur balilarning tériniri yéqinda chet'el axbaratigha bergen uchurida, 9 balidin 4 ning yurtigha qaytip ketkenlikini, emma ularning yurtida nopusini olturghuzalmaywatqanliqini bildürgen idi.

Toluq bet