Yuqumni yoqitish mezgilide xitay hökümiti özining dölet marshinimu tizginleshke ötken

Muxbirimiz jewlan
2022-04-20
Share

Xitay re'isi shi jinpingning bir qolluq bashqurushi bilen yolgha qoyulghan “Yuqumni yoqitip nölge chüshürüsh” tedbiri shangxeyde zor kölemde acharchiliq we malimanchiliq peyda qilghandin kéyin, xitay xelqi xitay dölet shé'irini towlap qarshiliqqa ötken: “Qozghal, qul bolushni xalimighanlar!”

Amérikada chiqidighan “Heptilik xewerler” zhurnilida élan qilin'ghan maqalide körsitilishiche, xitay dölet marshining bu jümlisi shangxey we bashqa sheherlerdiki xitaylarning omumi xorigha aylan'ghan bolup, xitay xelqining yuqum siyasitige bolghan ghezep-nepritini bildürüshning eng yaxshi sho'arigha aylan'ghan. Xitay da'iriliri buni “Jem'iyet qalaymiqanchiliqi” dep qarap, dölet marshini oqush we torda tarqitishni qattiq tekshürüshke bashlighan.

2022-Yil 4-ayning 19-künigiche xitayning asasliq ijtima'iy alaqe torlirida “Qozghal, qul bolushni xalimighanlar” dégen jümliler chiqiriwétilgen bolup, “Munasiwetlik qanun-nizamlar boyiche bu bet taqaldi” dégen xetler körün'gen. Xitayning bu xil sezgür nersilerni chekliwétishi da'im körülidighan ish bolup, rusiye ukra'inagha hujum qilghan künlerdimu xitay taratquliri peqet rusiyege yan basidighan pikirlerge orun bérip, bashqilirini chekligen.

Analizchilarning qarishiche, xitay hökümiti jama'et pikrini qattiq kontrol qilghan ehwalda xitay puqraliri yéngi, ijadiy usul bilen öz naraziliqini bildürüshke urunup kelgen؛ xitay tor saqchiliri da'im shi jinping qatarliq emeldarlarning shexsiy turmushi, parixorluq, chiriklik, “Tyen'enmén weqesi” dégendek mesililerge chétilidighan gep-sözlerni qattiq tekshürüp jazalap turidiken. Bu qétim xitay hökümiti dölet marshidin chataq tapalmisimu, uni süy'istémal qilin'ghan, meqset burmilan'ghan dep qarap chekligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet