Үрүмчи, турпан қатарлиқ шәһәрләр хитайниң гуаңдоң, җеҗяң ‍өлкилиригә барғанларни каратинға елишни йолға қойған

Мухбиримиз әркин
2021-06-18
Share

Уйғур елиниң үрүмчи, турпан қатарлиқ шәһәрлири йеқинқи 14 күн ичидә хитайниң гуаңдоң, җеҗяң, шәнши, җяңсу, гуаңши ‍өлкилиригә барғанларни карантинға елишни йолға қойған.

"шинҗаң хәвәрләр" ториниң ашкарлишичә, үрүмчи айродромидики юқумлиқ кесәклликләрни тәкшүрүш хадимлири вә райондики саяһәт ширкәтлири 13-июн йеқинқи 14 күн ичидә юқириқи ‍өлкиләргә барған кишиләрни карантинға елиш тоғрисида уқтуруш барлиқини билдүргән.

Мәлум болушичә, үрүмчи шәһридә гуаңдоңниң гуаңҗо, фошән, җенҗяң, вучүән, шинҗенниң йәнтйән, лоңгаң районлири, җеҗяң венҗовниң рүйән, лоңгаң шәһәрлиригә барғанлар карантинға елинидикән. Турпан шәһри саяһәт ширкәтлиригә гуаңдоң, гуаңши, җеҗяң, шәншиниң шиән, әнкаң, җяңсуниң нәнтоң шәһәрлиригә барғанларни бирдәк күтивалмаслиқни уқтурған.

Ройтерс агентлиқиниң хәвәр қилишичә, хитай сәһийә тармақлири 17-июн хитай миқясида 23 нәпәр йеңи корона вируси юқумдари байқалғанлиқини елан қилған. Даириләр буниңдин бир күн аввал 19 нәпәр йеңи юқумдар байқалғанлиқини билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт