Ürümchi, turpan qatarliq sheherler xitayning gu'angdong, jéjyang ‍ölkilirige barghanlarni karatin'gha élishni yolgha qoyghan

Muxbirimiz erkin
2021-06-18
Share

Uyghur élining ürümchi, turpan qatarliq sheherliri yéqinqi 14 kün ichide xitayning gu'angdong, jéjyang, shenshi, jyangsu, gu'angshi ‍ölkilirige barghanlarni karantin'gha élishni yolgha qoyghan.

"Shinjang xewerler" torining ashkarlishiche, ürümchi ayrodromidiki yuqumliq késeklliklerni tekshürüsh xadimliri we rayondiki sayahet shirketliri 13-iyun yéqinqi 14 kün ichide yuqiriqi ‍ölkilerge barghan kishilerni karantin'gha élish toghrisida uqturush barliqini bildürgen.

Melum bolushiche, ürümchi shehride gu'angdongning gu'angjo, foshen, jénjyang, wuchüen, shinjénning yentyen, longgang rayonliri, jéjyang wénjowning rüy'en, longgang sheherlirige barghanlar karantin'gha élinidiken. Turpan shehri sayahet shirketlirige gu'angdong, gu'angshi, jéjyang, shenshining shi'en, enkang, jyangsuning nentong sheherlirige barghanlarni birdek kütiwalmasliqni uqturghan.

Roytérs agéntliqining xewer qilishiche, xitay sehiye tarmaqliri 17-iyun xitay miqyasida 23 neper yéngi korona wirusi yuqumdari bayqalghanliqini élan qilghan. Da'iriler buningdin bir kün awwal 19 neper yéngi yuqumdar bayqalghanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet