Xitay milyonlighan puqralirini korona wirusi gumani bilen sinaq qilip tekshürüshke bashlighan

Amérikadiki “Birleshme agéntliq xewerliri” torining 23-noyabir xewer qilishiche, aldinqi hepte xitayning tyenjin, shangxey qatarliq sheherliride yerlik yuqumdarlardin taralghan korona wirusi bayqalghandin kéyin xitay hökümiti milyonlighan puqralirining yuqumlinish ehwalini tekshürüshke bashlighan bolup, sheherning köpligen yerlirini qamal qilghan we mekteplerni taqighan.

Xewerde bildürülüshiche, düshenbe küni xitay sehiye-saghlamliq komitéti shangxeyde ötken 24 sa'ette yene ikki yuqumdar köpeygen bolup, jem'iy késel 7 neperge yetken. Yekshenbe küni (22-noyabir) kechte shangxey pudung xelq'ara ayrodromining xizmetchi xadimliri tekshürülgen bolup, düshenbe küni sehergiche 17 ming 719 adem tekshürülgen. Eger yene késeller bayqalsa, etraptiki rayon ahalilirining hemmisi tekshürülidiken. Tyenjinde bolsa 5 késel bayqalghan bolup, bu seweb bilen 2 milyon 200 ming adem tekshürülgen, mektepler taqalghan.

Mutexesisler we hökümet emeldarlirining bildürüshiche, korona wirusining qish mezgilide ewj élip kétish éhtimali téximu chong iken. Gerche xitayda korona wirusi tizginlen'gendek qilsimu, uning qayta peyda bolush xetiri yenila mewjut iken.