2017-Yili xitaydiki yerlik hökümetlerning qerzi ikki hessidek köpeygen

Muxbirimiz qutlan
2018-01-20
Share

Birleshme agéntliqning 18-yanwardiki xewirige qarighanda, xitaydiki yerlik hökümetlerning ötken yilidiki qerzi ikki hessige yéqin köpeygen. Gerche béyjing da'iriliri jiddiy tedbir qollinip, xitay hökümitining barghanséri éshiwatqan qerz sommisini eng zor derijide kontrol qilidighanliqini bildürgen bolsimu, emma dunyada ikkinchi zor iqtisadiy küch süpitide otturigha chiqiwatqan xitayda yéqin kelgüside yüz bergüsi iqtisadiy böhranning shepiliri körülmektiken.

Xewerde körsitilishiche, xitay maliye ministirliqi charshenbe küni bayanat élan qilip, xitay yerlik hökümetlirining aldinqi yilidiki omumiy qerz sommisining 16 tirilyon 47 milyard yüen (2 tirilyon 56 milyard amérika dolliri) bolghanliqini, yeni 7. 5 Pirsentlik ösüsh nisbiti bilen ikki hessige yéqin qatlan'ghanliqini bildürgen.

Ötken yili 12-ayda échilghan xitay iqtisadini makroluq jehettin pilanlash yighinida gerche béyjing da'iriliri yerlik hökümetlerning yildin yilgha éshiwatqan qerz sommisini eng zor derijide töwen'ge chüshüridighanliqini jar salghan bolsimu, emma 2018-yilida hökümet qerzining dawamliq ashidighanliqinimu ret qilmighan.

Igilinishiche, xitay iqtisadining uchqandek ösüshi 2014-yilidin buyan bir izda toxtap qalghan, hetta töwenlesh körülgen. Iqtisadshunaslar, egerde xitay hökümiti nöwette pütün ümidini baghlighan "Bir yol, bir belwagh" istratégiyisi meghlubiyetke uchraydighan bolsa, xitay iqtisadining patqaqqa pétishi muqerrer yüzlinish bolup qalidu, dep hésablimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet