Хитайда йәсли балилириниң сүпәтсиз кариваттин зәһәрлинишигә наразилиқ вәқәси йүз бәрди

Мухбиримиз меһрибан
2015.11.10

Радиомиз игилигән әһваллардин мәлум болушичә, 9-ноябир хитайниң гуаңҗу шәһиридики “тйәнхе балилар йәслиси” дә балилири бар бир қисим ата-анилар йәсли мәйданға топлинип, йәсли даирилиридин йәслидә ишлитиливатқан балилар каривитиниң сүпәт өлчими һәққидә җаваб беришни вә бу хил сүпәтсиз кариватларни ишлитишни дәрһал тохтитишни тәләп қилип наразилиқ билдүргән.

Мәлум болушичә, ата-анилар йәслидә йүз бәргән 10 нәччә балиниң бирла вақитта туюқсиз кесәл болушини мәзкур йәслидә ишлитиливатқан балилар карватлириниң өлчәмсиз, тәркибидә зәһәрлик маддилар болған сүпәтсиз материяллардин ясалғанлиқи сәвәб болғанлиқини билдүрүшкән.

Бүгүн радиойимизниң зияритини қобул қилған хитайдики бир өй сайманлири ширкитиниң хоҗайини вей әпәндиму хитайда барғанчә көпийиватқан сахта тавар мәһсулатлири вә пайдини қоғлишидиған бир қисим содигәрләрниң бу хил малларға базар һазирлап бәргини үчүн һәрхил зәһәрлиниш вәқәлириниң йүз бериватқанлиқини, шуңа һөкүмәтниң бу хил әһвалға қарита җиддий, кәскин тәдбир елиши лазимлиқини тәкитлиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.