“Hindistan waqit géziti” xitay kompartiyisining dinsizlashturush siyasitige inkas qayturdi

Muxbirimiz qutlan
2017-07-22
Share

Xitay kompartiyisining xelq'ara kaniyi hésablan'ghan “Yer shari waqit géziti” aldinqi küni xitay dölet kabinétigha qarashliq diniy ishlar idarisining bashliqi wang zo'enning bayanatini élan qilghan.

Diniy ishlar boyiche bérilgen mezkur bayanatta mundaq déyilgen: “Partiye ezaliri din'gha étiqad qilishqa bolmaydu. Bu barliq partiye ezalirigha nisbeten halqip kétishke bolmaydighan bir qizil siziq. Partiye ezasi bolidikensiz, choqum qet'iy bir até'ist bolushingiz kérek, undaq bolmisa jazalinishqa teyyar bolushingiz kérek.”

Bayanatta yene “Chet'el küchliri dindin paydilinip junggogha singip kirishke we dölitimizning bixeterlikige tehdit peyda qilishqa urunuwatidu,” déyilgen.

Wang zo'enning mezkur bayanati hindistan taratqulirining küchlük inkasigha duch keldi. “Hindistan waqit géziti” 20-iyul küni bu heqte inkas qayturup: “Xitay kompartiyisi gerche özini bir até'istik partiye dep élan qilsimu, emma xitay asasiy qanunida "her bir puqraning din'gha étiqad qilish erkinliki bar" déyilgen.”

Melum bolushiche, xitayda 90 milyon kompartiye ezasi bar bolup bolup, közetküchiler, “Nöwette xitayning eng ensireydighini kompartiye ezalirining xitay kompartiyisige bolghan étiqadining tewrinip qélishidur,” dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet