Америка ташқи министирлиқи америкилиқларни хитайға саяһәткә барғанда диққәт қилишқа агаһландурди

Мухбиримиз ирадә
2019-01-03
Елхәт
Пикир
Share
Принт

Америка ташқи ишлар министирлиқи пәйшәнбә күни уқтуруш тарқитип, хитайда туруватқан яки саяһәттә болуватқан америка пуқралирини бихәтәрликигә алаһидә диққәт қилишқа чақирди.

Уқтурушта америка-хитай қош дөләт пуқралиқи салаһийитигә игә кишиләрниң хитай тәрипидин чиграда тутуп қелиништәк еһтималлиқлар алаһидә әскәртилгән.

Ройтерс агентлиқиниң бу һәқтики хәвиригә қариғанда, йеңидин елан қилинған 2-дәриҗилик саяһәт агаһландурушида илгирики уқтурушлардин пәрқлиқ һалда уйғур ели вә тибәттики чекидин ашқан вәзийәтму тилға елинған икән. Америка ташқи ишлар министирлиқиниң уқтурушида америкилиқ саяһәтчиләрни уйғур ели вә тибәттики чекидин ашқан бихәтәрлик тәкшүрүшлири вә сақчиларниң паракәндичиликидин агаһ болушқа чақирған.

Мәлум болушичә, бу нөвәтлик саяһәт агаһландурушиниң елан қилинишиға америка-хитай арисидики мунасивәтләрниң җиддийлишиши вә хитайниң хуавей ширкитиниң малийә мудири мең венҗуниң қолға елиниши сәвәб болған икән.

Канада америкиниң тәлипигә бинаән мең венҗуни қолға алғандин кейин, хитай тәрәпму хитайда турушлуқ икки нәпәр канада пуқрасини қолға алған иди. Гәрчә хитай буниң хуавей директориниң қолға елиниши билән алақисини йоқлиғини илгири сүрсиму, әмма көзәткүчиләр һәммиси бирдәк буниң бир өч елиш һәрикити икәнликини билдүрмәктә.

Пикирләр (0)
Share
Толуқ бәт