Amérika tashqi ministirliqi amérikiliqlarni xitaygha sayahetke barghanda diqqet qilishqa agahlandurdi

Muxbirimiz irade
2019-01-03
Élxet
Pikir
Share
Print

Amérika tashqi ishlar ministirliqi peyshenbe küni uqturush tarqitip, xitayda turuwatqan yaki sayahette boluwatqan amérika puqralirini bixeterlikige alahide diqqet qilishqa chaqirdi.

Uqturushta amérika-xitay qosh dölet puqraliqi salahiyitige ige kishilerning xitay teripidin chigrada tutup qélinishtek éhtimalliqlar alahide eskertilgen.

Roytérs agéntliqining bu heqtiki xewirige qarighanda, yéngidin élan qilin'ghan 2-derijilik sayahet agahlandurushida ilgiriki uqturushlardin perqliq halda Uyghur éli we tibettiki chékidin ashqan weziyetmu tilgha élin'ghan iken. Amérika tashqi ishlar ministirliqining uqturushida amérikiliq sayahetchilerni Uyghur éli we tibettiki chékidin ashqan bixeterlik tekshürüshliri we saqchilarning parakendichilikidin agah bolushqa chaqirghan.

Melum bolushiche, bu nöwetlik sayahet agahlandurushining élan qilinishigha amérika-xitay arisidiki munasiwetlerning jiddiylishishi we xitayning xu'awéy shirkitining maliye mudiri méng wénjuning qolgha élinishi seweb bolghan iken.

Kanada amérikining telipige bina'en méng wénjuni qolgha alghandin kéyin, xitay terepmu xitayda turushluq ikki neper kanada puqrasini qolgha alghan idi. Gerche xitay buning xu'awéy diréktorining qolgha élinishi bilen alaqisini yoqlighini ilgiri sürsimu, emma közetküchiler hemmisi birdek buning bir öch élish herikiti ikenlikini bildürmekte.

Toluq bet