CECC: «Бу җаза дунядики әң қәбиһ кишилик һоқуқ вәзийитигә қаритилған ахирқи һәрикәт болуп қалмаслиқи керәк»

Мухбиримиз әркин
2020-07-10
Елхәт
Пикир
Share
Принт

Америка дүмләт мәҗлиси вә һөкүмитиниң хитай комитети 10-июл баянат елан қилип, трамп һөкүмитиниң уйғур дияридики 4 хитай әмәлдариға җаза қойғанлиқини қарши алидиғанлиқи, лекин бу җаза «дунядики әң қәбиһ кишилик һоқуқ вәзийитигә қаритилған ахирқи һәрикәт болуп қалмаслиқи керәклики» ни билдүргән. Хитай комитетиниң қош рәислиридин кеңәш палата әзаси марко робио билән авам палата әзаси җеймис микговернниң баянатта тәкитлишичә, трамп һөкүмитиниң имбарго қарари «муһим, әмма хели узун кечиккән» болуп, лекин қарши елинидикән.

Баянатта, дөләт мәҗлиси әзалириниң икки йил мабәйнидә чен чүәнго қатарлиқ әмәлдарларни җазалаш, хитай әмәлдарлириниң инсанийәткә қарши җинайитини җавапкарлиққа тартишни тәләп қилип кәлгәнлики әскәртилип, «дуняниң һәр қайси җайлиридики һәқәмсайилиримиз вә иттипақдашлиримизниң мушуниңға охшаш һәрикәт қоллиниши, кәң көләмдә тутқун қилиш, мәҗбури әмгәк, мәҗбури туғмас қилиш вә диний етиқатини әйипләшкә мәҗбурланған уйғур, қазақ вә башқа әтник аз санлиқ милләтләр үчүн давамлиқ һәмкарлишишимиз бәк муһим» дейилгән.

Баянатта йәнә өзлириниң авам вә кеңәш палаталирида «уйғурларни мәҗбури әмгәккә селишниң алдини елиш қанун лайиһәси» сунуп, мәҗбури әмгәк мәһсулатлириниң америкаға импорт қилинишини чәкләшни тәләп қилғанлиқи, шундақла 2-июл күни доләт мәҗлисиниң 76 нәпәр әзасиниң америка ташқи ишлар министирлиқи билән малийә министирлиқиға хәт йезип, уйғур диярида йүз бериватқан қәбиһликниң характерини бекитишни, уйғур вә қазақ аяллирини мәҗбури туғмас қилиш, зорлаш характерлик нопус контроли елип бериватқан хитай әмәлдарлириға имбарго йүргүзүшни тәләп қилғанлиқини билдүргән.

Пикирләр (0)
Share
Толуқ бәт