CECC: "Bu jaza dunyadiki eng qebih kishilik hoquq weziyitige qaritilghan axirqi heriket bolup qalmasliqi kérek"

Muxbirimiz erkin
2020-07-10
Share

Amérika dümlet mejlisi we hökümitining xitay komitéti 10-iyul bayanat élan qilip, tramp hökümitining Uyghur diyaridiki 4 xitay emeldarigha jaza qoyghanliqini qarshi alidighanliqi, lékin bu jaza "Dunyadiki eng qebih kishilik hoquq weziyitige qaritilghan axirqi heriket bolup qalmasliqi kérekliki" ni bildürgen. Xitay komitétining qosh re'isliridin kéngesh palata ezasi marko robi'o bilen awam palata ezasi jéymis mikgowérnning bayanatta tekitlishiche, tramp hökümitining imbargo qarari "Muhim, emma xéli uzun kéchikken" bolup, lékin qarshi élinidiken.

Bayanatta, dölet mejlisi ezalirining ikki yil mabeynide chén chüen'go qatarliq emeldarlarni jazalash, xitay emeldarlirining insaniyetke qarshi jinayitini jawapkarliqqa tartishni telep qilip kelgenliki eskertilip, "Dunyaning her qaysi jayliridiki heqemsayilirimiz we ittipaqdashlirimizning mushuninggha oxshash heriket qollinishi, keng kölemde tutqun qilish, mejburi emgek, mejburi tughmas qilish we diniy étiqatini eyipleshke mejburlan'ghan Uyghur, qazaq we bashqa etnik az sanliq milletler üchün dawamliq hemkarlishishimiz bek muhim" déyilgen.

Bayanatta yene özlirining awam we kéngesh palatalirida "Uyghurlarni mejburi emgekke sélishning aldini élish qanun layihesi" sunup, mejburi emgek mehsulatlirining amérikagha import qilinishini chekleshni telep qilghanliqi, shundaqla 2-iyul küni dolet mejlisining 76 neper ezasining amérika tashqi ishlar ministirliqi bilen maliye ministirliqigha xet yézip, Uyghur diyarida yüz bériwatqan qebihlikning xaraktérini békitishni, Uyghur we qazaq ayallirini mejburi tughmas qilish, zorlash xaraktérlik nopus kontroli élip bériwatqan xitay emeldarlirigha imbargo yürgüzüshni telep qilghanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet