Amérika dölet bixeterlikige mes'ul awam palata ezaliri hökümetning xitay tehditige qarshi istratégiyesini éniq békitishini telep qilghan

Muxbirimiz jewlan
2021-02-03
Share

"Foks" téléwiziyesining 2-féwral bergen xewiridin melum bolushiche, amérika dölet bixeterliki komitétining jumhuriyetchilerdin bolghan awam palata ezaliri 2-féwral küni baydin hökümitidin xitayning tehditige qarshi istratégiyesini aydinglashturushi we éniq békitishini telep qilghan. Ular hökümetni agahlandurup: "Xitay amérikaning dunyadiki yétekchilik ornini barghanséri ajizlitiwatidu," dégen.

Baydin hökümitige sunulghan telepnamide mundaq déyilgen: "Biz xitay kompartiyesining jasusluq we herbiy küchini tereqqiy qildurush üchün qap yüreklik bilen xususiy karxanilarni qorallanduruwatqanliqigha diqqet qiliwatimiz. Ular amérika xelqi we amérika karxanilirining sanliq melumatini oghrilap, yéngidin gülliniwatqan halqiliq téxnika arqiliq pütün dunya bazirini igileshke we pat arida xelq'ara sehnide yétekchi bolushqa urunuwatidu. Amérika awam palatasi dölet bixeterliki komitéti xitayning heddidin ashqan qilmishigha qet'iy qarshi turidu. Biz yéngi hökümet bilen ünümlük hemkarliq munasiwiti ornitishni ümid qilimiz. Peqet quruq gep qilip, emeliy ish qilmaydighanlar axirida éghir bedel tölep qalidu. Shunga bizge xitaygha qarshi turidighan pilaninglarni teminlep béringlar."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet