Firansiye bilen awstraliye xitayni xelq'ara nizamlar boyiche heriket qilishqa chaqirdi

Muxbirimiz shöhret hoshur
2018-05-02
Élxet
Pikir
Share
Print

Awstraliyede 3 künlük ziyarette boluwatqan firansiye prézidénti makrun xitayning tereqqiyatini qollaydighanliqini, emma xitayning öz tereqqiyatini xelq'ara qanun-nizamlar da'iriside dawamlashturushi kéreklikini tekitligen.

U yenimu ilgiriligen halda pikir bayan qilip, xitayning hindi okyan bilen tinch okyanda yégane monopolluq xiyalida bolmasliqi kéreklikini eskertken.

Birleshme agéntliqining bu heqtiki xewiride déyilishiche, makron yuqiriqi sözlerni bügün, yeni charshenbe küni sidnéyda awstraliye bash ministiri tarnbul bilen ötküzgen qoshma axbarat élan qilish yighinida otturigha qoyghan. Xewerde déyilishiche, muxbirlarning xitay heqqidiki so'aligha awstraliye bash ministiri turnbulmu teshebbuskarliq bilen jawab bergen. U mundaq dégen: "Biz xitayning meblegh sélishini qarshi alimiz, emma uning xelq'ara qanun we nizamlar boyiche ish tutushidimu dawamliq ching turimiz."

Her ikki dölet rehbiri rayonda küch tengpungluqining saqlinishining muhim ikenlikini tekitligen. Melum bolushiche, makron yuqiriqi sözlirini firansiyening tinch okyandiki térritoriyesi bolghan yéngi kalidoniyege seper qilishning aldida bayan qilghan. Uning aldida xelq'ara xewerlerde xitayning yéngi kalidoniyege yéqin bolghan wanatu arilida herbiy baza qurmaqchi bolghanliqi heqqide uchurlar tarqalghan, emma xitay buni ret qilghan idi.

Toluq bet