Amérika maliye ministiri amérika bilen yawropaning xitaygha qarshi birlik sep tüzüshi kéreklikini bildürgen

Muxbirimiz jewlan
2021-07-14
Share

Amérika maliye ministiri jénit yélin yéqinda amérika bilen yawropaning birlik sep qurup, xitayning tengsiz soda we kishilik hoquq depsendichiliki qilmishlirigha birlikte qarshi turushi kéreklikini bildürgen.

"Blombérg xewerliri" torining xewer qilishiche, amérika maliye ministiri jénit yélin 12-iyul biryussélda élip barghan tunji ziyaritide amérika bilen yawropa ittipaqining iqtisadiy munasiwitini kücheytish üchün yéngi tirishchanliqlarni körsetken, yawropa ittipaqigha eza döletlerni xitay bilen rusiyening tehditige taqabil turush sépidin orun élishqa chaqirghan.

U seyshenbe küni (13-iyul) yawropa ittipaqi emeldarliri bilen ötküzgen uchrishish yighinida xitayni "Xelq'ara soda qa'idisige emel qilmaydighan, kishilik hoquqni depsende qiliwatqan dölet" dep eyibligen hemde "Biz ashkara, adil riqabet, ochuq kélishim we jawabkarliq prinsipigha kéliwatqan tehditke birlikte taqabil turushimiz kérek" dégen.

Xitay tashqi ishlar bayanatchisi jaw lijiyen buninggha qarshi inkas bildürüp, "Xitay hökümiti dunya soda teshkilatining qa'idilirige izchil emel qilip kéliwatidu" dégen.

Xewerde éytilishiche, yawropa karxaniliri xitaydin köp miqdarda mal élishtin cheklen'genliki, emma xitay karxaniliri yawropadin nechche on milyard dollarliq téxnika we dangliq markilarni sétiwalghanliqi üchün, xitay buningdin bi'aram bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet