Kelgüsi 3 yilda xitay ölkilirige bérip ishleydighan Uyghur ishlemchiler 50 minggha yetküzülidu

Muxbirimiz erkin
2015-01-23
Share

Xitay da'iriliri Uyghur ishlemchilerni xitay ölkilirige ölkilerge yötkesh pilanini bu yildin bashlap yene kücheytilidiken.

Uyghur aptonom rayonluq emgek we ijtima'iy parawanliq nazaritining ashkarilishiche, da'iriler bu yil ishlemchilerni 15 minggha yetküzüshni, kelgüsi 3 yilda 50 minggha chiqirip, shuningdin kéyin her yili dawamliq bu sanni saqlap qélishni pilanlighan.

Xitay da'irilirining Uyghur ishlemchilerni ichkirige yötkesh pilani 2009‏-yili "5‏-Iyul weqesi" din kéyin bir mehel astilap, 2014‏-yili az kem 7 minggha chüshüp qalghan. Xitayning mezkur siyasiti Uyghur teshkilatliri teripidin "Assimilyatsiye siyasiti" ning parchisi, dep tenqid qilin'ghan idi.

Biraq, da'iriler ötken yili ishlemchilerni yötkeshni yene kücheytishke bashlighan.

Bezi közetküchilerning qarishiche, xitayning Uyghur ishlemchilerni ichkirige yötkeshni kücheytishi, ötken yili Uyghur élide qarshiliq heriketlirining küchiyip kétishi bilen munasiwetlik.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet