Xitay ölkiliridiki tebi'iy pen uniwérsitétlirining Uyghur élidin sen'et kespi üchün bes-beste oqughuchi qobul qilishi diqqet qozghimaqta

Muxbirimiz qutlan
2016.02.22

Xelq tori Uyghurche qanilining xewirige qarighanda, xitay ölkiliridiki köpligen aliy mektepler sen'et kespi üchün Uyghur élidin oqughuchi qobul qilmaqtiken.

18-Féwral küni Uyghur aptonom rayonluq oqughuchi qobul qilish ishxanisining bildürüshiche, 2016-yili xitay ölkiliridiki 32 aliy mektep Uyghur élida nuqta tesis qilip sen'et türidin imtihan élishqa teyyarlanmaqtiken.

Ejeblinerliki shuki, Uyghur élidin nöwette sen'et kespi üchün oqughuchi qobul qilmaqchi bolghan xitay ölkiliridiki uniwérsitétlarning köpinchisi ilgiri sen'et yaki medeniyet kesipliri tesis qilinmighan tebi'iy pen uniwérsitétliri iken.

Ilgiriki milletler uniwérsitétliri yaki pédagogika xaraktérlik uniwérsitétlardin bashqa xitay ölkiliridiki nechche onlighan tebi'iy pen uniwérsitétlirining sen'et kespi üchün Uyghur élidin oqughuchi qobul qilmaqchi boluwatqanliqi közetküchilerning diqqitini qozghimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.