20 Ming neperdin artuq "Az sanliq millet" oqughuchisi xitay ölkiliride terbiyelenmekchi

Muxbirimiz ümidwar
2017-03-29
Share

Xitay da'iriliri bu yil Uyghur élidin 20 ming neperdin artuq "Az sanliq millet" oqughuchisini xitay ölkilirige ewetip, "Ewzel ma'arip" bilen terbiyeleydighanliqini bildürdi.

In'glizche "Xitay kündilik géziti"ning xewiridin ashkarilinishiche, mezkur 20 ming neperdin artuq oqughuchining 9880 nepiri ichkiridiki toluq ottura siniplirida, 3 ming 300 nepiri kespiy mekteplerde, 8 ming 600 nepiri aliy mekteplerde oquydiken.

Emma xewerde, xitay ölkiliride terbiyilinidighan mezkur atalmish "Az sanliq millet" oqughuchilirining milliy nisbiti éniq éytilmighan bolup, Uyghurlarning qanchilik salmaqni igileydighanliqi namelum. Wehalenki, xitay da'iriliri hazir "Uyghur aptonom rayoni" dep atalghan mezkur rayon ahalisining 1950-yillarda 74% ni teshkil qilghan we hazirmu azghina kem yérimini teshkil qiliwatqan Uyghurlarni "Shinjangdiki 47 az sanliq millet"ning biri dep atimaqta.

Xitay metbu'atlirining uchurliridin ashkarilinishiche, hazirghiche xitay ölkiliridiki "Shinjang toluq ottura sinipliri"da jem'iy 60 mingdin artuq oqughuchi terbiyilen'gen bolup, bularning xéli köp qismini Uyghurlar teshkil qilghanliqi hemde buningdin kéyinmu jenubiy wilayetlerni asas qilidighanliqi bildürülmekte.

Chet'ellerdiki Uyghur kishilik hoquq teshkilatliri we dunya Uyghur qurultiyi bolsa, xitayning qosh tilliq ma'arip namidiki xitay tilliq ma'aripni kücheytish bilen bir waqitta, mundaq Uyghur yash-ösmürlirini köplep xitay ölkilirige élip bérip terbiyelishini "Uyghurlargha qaritilghan medeniyet assimilyatsiyesining muhim bir qismi" dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.