Xitay ölkilirige yötkelgen Uyghur ishchilarning a'ililiri zor soruqchiliqqa duch kelmekte

Muxbirimiz eziz
2020-04-01
Share

Xitay hökümitining “Wirustin kéyinki ishlepchiqirishni eslige keltürüsh” chaqiriqi boyiche Uyghur diyaridin zor türkümdiki Uyghur yashlirining xitay ölkiliridiki zawutlargha “Éshincha emgek küchi” namida yötkiliwatqanliqi arqimu-arqidin melum bolmaqta. Emma kishilerning diqqitidin xaliy qéliwatqan bir hadise xitay ölkilirige élip kétilgen bu xil mejburiy emgek ishchilirining öz yurtlirida qélip qalghan bala-chaqisi hemde a'ilisi bolmaqta.

“Zimistan” zhurnilining 1-apréldiki sanida élan qilin'ghan bu heqtiki xewerde éytilishiche, hazir nurghunlighan Uyghur yashliri lagérlargha élip kétilgenliktin yézilardiki köp qisim térilghu yerler tashlinip qalghan. Gödek balilar bolsa yashinip qalghanlarning qoligha qarashliq bolup qalghan. Buning bilen köpligen ijtima'iy paji'eler körülüshke bashlighan.

Maqalida körsitilishiche, ötken mezgillerdin buyan dawam qiliwatqan lagér tutqunlirini xitay ölkiliridiki zawutlargha ishchiliqqa yötkesh sewebidin Uyghur diyarining herqaysi jayliridiki déhqanchiliq rayonlirida emgek küchi qehetchiliki ewj alghan. Buning bilen lagér sirtida qalghan yashinip qalghan er-ayallar we gödek balilar déhqanchiliqning höddisidin chiqalmay iqtisadiy jehette ghayet zor weyranchiliqqa duch kelgen. Bir Uyghur ayal bu heqte derdini töküp “Közümdin hazir yash qurumaydu. Emma buning héchnersige paydisi yoq. Ölüpla qalmisaq bolatti,” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet