“ғәрбниң газини шәрққә йөткәш” җиддий давам қилмақта

Уйғур дияридики нефит вә башқа йәр асти байлиқлири қатарида тәбиий газ байлиқи һәрқачан “хитайдики пуқраларниң тамиқини пишуруватқан йеқилғу,” дәп қарап келингән иди. Нөвәттә район миқясида тәбиий газ базисини ечишниң җиддий давам қиливатқанлиқи мәлум.

“хитай хәвәрлири” ториниң мәлуматлириға қариғанда, нөвәттә тарим нефитликигә йеқин болған куча наһийәсики кешен тәбиий газ районидин җиддий газ қезиливатқан болуп, күнлүк мәһсулат миқдари 18 милйон куб метир икән. Бу нормалда 20 милйон аилиниң бир күнлүк газ йеқилғусини қамдайдикән.

Хәвәрдә ейтилишичә, уйғур дияридин тәбиий газ базилири көпләп тепилмақтикән. Әмма муһаҗирәттики анализчилар бу һәқтә пикир қилип, “уйғур дияридин ғайәт зор нефит, тәбиий газ байлиқлири байқалған билән йәрлик уйғурлар униңдин һечқандақ иқтисадий мәнпәәткә еришкини йоқ,” дәп қарап кәлмәктә.

“ғәрбниң газини шәрққә йөткәш қурулуши” 2004-йили рәсмий башланған болуп, асаслиқи тарим ойманлиқи, җуңғар ойманлиқи, турпан-қумул ойманлиқи қатарлиқ җайлардики тәбиий газ мәһсулатлирини туруба йоли арқилиқ шаңхәйгә тошуп кетишни мәқсәт қилған. Мәзкур қурулуш нөвәттә йилиға 17 милярд күп метир тәбиий газни чаңҗаң дәряси делтисиға йөткәп кәтмәктә.