Uyghur élidin xitay ölkilirige yötkep orunlashturulghan "Éshincha emgek küchi" sani yenimu ashurulghan

Muxbirimiz irade
2015-12-23
Share

Bu yil ichide Uyghur élidin xitay ölkilirige yötkep ishqa orunlashturulghan emgekchi sani 80 ming 700 kishige yetken. "Tengritagh" torining bu heqtiki xewiridin qarighanda, Uyghur éli da'iriliri Uyghur élidiki "Éshincha emgek küchliri" ni ishqa orunlashturush üchün öz jayida yéqin etrapqa yötkep ishqa orunlashturush we teshkillik halda xitay ölke we sheherlirige yötkep ishqa orunlashturush qatarliq tedbirlerni qollan'ghan.

Bu siyasetke asasen öz jayida yötkep ishqa orunlashturulghanlar 40 mingdin ashqan. Xitay ölkilirige yötkelgen az sanliq millet ammisi 80 ming 700 kishige, pilanliq halda xitay ölkiliridiki karxanilargha yötkep orunlashturulghanlar 15 ming 700 ge yetken.

Uyghur élidin éshincha emgek küchi yötkesh mesilisi chet'ellerdiki Uyghur teshkilatliri we shundaqla xelq'ara kishilik hoquq organlirining diqqitini qozghap kéliwatqan bir mesile.

Xelq'ara kishilik hoquq organlirimu xitay hökümitini shawgüen weqesige oxshash qanliq bir weqege seweb bolup küchlük naraziliq peyda qiliwatqan bu siyasitini ayaghlashturushqa chaqirghan idi.

Biraq, xitay hökümiti bu siyasitini izchil halda dawamlashturmaqta. Tengritagh torining éytishiche, bu yil ichide xitay ölkilirige yötkep orunlashturulghanlarning sani ötken yildikidin 128% köpeygen. Hazirghiche Uyghur élidin yötkep ishqa orunlashturulghan atalmish "Artuq emgekchi" 2 milyon 270 ming adem qétimgha yetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet