"Yer shari waqit géziti": "Shinjangda dölet tilini omumlashturush üchün bashlan'ghuchlarning teyyarliq sinipliri köpeytilidu"

Muxbirimiz shöhret hoshur
2018-04-04
Élxet
Pikir
Share
Print

Xitay hökümet taratquliridin "Yer shari waqit géziti" bügün mexsus xewer élan qilip, Uyghur aptonom rayonidiki da'irilerning bu yil rayondiki bashlan'ghuch mekteplerde köplep teyyarliq sinipliri échishni pilanlawatqanliqini bildürgen.

Xewerde Uyghur diyarida nöwette az sanliq milletlerdin bolghan bir milyon 800 ming oqughuchining xitay tilida ders éliwatqanliqi we 2016‏-yiligha nisbeten bir milyon oqughuchining köpeygenliki eskertilgen.

Xewerde yene da'irilerning 2017‏-yili tüzgen bir pilanida kelgüsidiki 3 yil ichide yeslidin chiqqan balilarning 98 pirsentini bashlan'ghuch mekteplerning teyyarliq siniplargha orunlashturushni, 2020‏-yiligha barghanda rayondiki yerlik millet oqughuchilirini pütünley xitay tilida rawan sözlesh, yézish we anglash sewiyesige yetküzüshni nishan qiliwatqanliqi otturigha qoyulghan.

Radiyomizning Uyghur élidin igiligen uchurlirida ötken yili "Yépiq terbiye lagérliri" tesis qilin'ghandin buyan, mutleq köp sandiki Uyghur balilirining ata-anisidin ayrilip qaranchuqsiz qalghanliqi, bezi orunlarda balilar yesliliri qurulghanliqi ashkarilan'ghan idi. "Yer shari waqit géziti" de tilgha élin'ghan teyyarliq siniplirining ene ashu ata-anisidin ayrilip qalghan balilar orunlashturulghan yeslilerni öz ichige alidighan yaki almaydighanliqi hazirche melum emes.

Toluq bet