Xitay hökümiti "Xitaylashturush" ni ashkara terghib qilmaqta

Muxbirimiz eziz
2020-05-20
Élxet
Pikir
Share
Print

Uyghurlar diyarida yillardin buyan mejburiy dawam qilip kéliwatqan "Milletler ittipaqliqi terbiyesi éyi" pa'aliyiti bu yildin bashlap yéngidin ishlep chiqilghan layihe boyiche ötküzülmekchiken. "Aqsu axbarat tori" ning 14-maydiki xewiride éytilishiche, bu pa'aliyet aqsu rayonida  "Jungxu'a milliti bir a'ile kishiliridek bolup, bir niyette junggo arzusini royapqa chiqirish" dégen sho'ar astida mexsus xizmet layihisi bilen bashlan'ghan.

Xewerde éytilishiche, bu qétimqi xizmet layiheside yillardin buyan dawam qilip kéliwatqan "Üch ayrilalmasliq" tin bashqa  "Esebiylikni tügitish", xitay dölitini, xitay millitini, xitay medeniyitini, xitay kompartiyesini we xitay sotsiyalizmini qelbtin étirap qilishtek "Besh qarash" ni tikleshning bu pa'aliyettiki muhim xizmet ikenliki tekitlen'gen. Shuningdek "Hemme millet bir a'ile kishiliridek bolush" lazimliqi eskertilgen.

Bezi analizchilar xitay hökümiti chiqarghan bu uqturushtiki mezmunlargha asasen "Buningda héchqandaq ittipaqliq mezmuni yoq. Bu Uyghurlarni ochuq-ashkarila xitaylishishqa mejburlashtin bashqa nerse emes" déyishti.

Türlük xewer we uchurlar nöwette Uyghurlar diyarida mejburiy choshqa göshi yégüzüsh, xitayche kiyinish, xitayche öy jabduqlirini omumlashturush herikitining dawam qiliwatqanliqini körsitidighan bolup, amérikadiki musteqil közetküchi ilshat hesen "Bu xitay hökümitining 'quyruq körsitip öpke sétish' tek kona neyringi. Ularning bu xil ittipaqliq teshwiqati herqachan Uyghurlargha qaritilghan" dédi.

Toluq bet