Xitay hökümiti Uyghur élida “Dölet ortaq tili” da oqutushni omumumiyyüzlük ishqa ashurup bolghan

Muxbirimiz erkin
2022-05-23
Share

Xitay hökümiti 2017-yilidin bashlap Uyghur tilini Uyghur élidiki mekteplerde chekligendin buyanqi besh yil ichide “Dölet ortaq tili” namidiki xitay tilida oqutushni ‍omumiyyüzlük ishqa ashurup bolghanliqini bildürgen.

“Shinjang géziti” ning xewer qilishiche, 2021-yili rayondiki mekteplerde atalmish “Dölet til-yéziqi” da oqutushning toluq qaplinishi ishqa ashurulghan. Lékin közetküchilerning éytishiche, qisqighine besh yil ichide Uyghur tilida oqutushni bikar qilip, uning ornigha xitay tilida oqutushni normal yollar bilen toluq ishqa ashurush mumkin emes iken.

Közetküchiler, bundaq jiddiy özgirishning pewqul'adde radikal tedbirlerni telep qilidighanliqi we buning mektep yéshidiki balilarning ma'arap sapasi we normal ‍ösüp yétilishige bolghan yaman tesiridin endishe qilidighanliqini bildürmekte. “Shinjang géziti” ning xewiride éytilishiche, 2021-yili Uyghur élidiki mektep yéshidiki balilar we ösmürlerning atalmish “Dölet ortaq til-yéziqi” bilen oqutulush nisbiti pütün rayon miqyasida toluq qaplinip bolghan.

Rayondiki oqush yéshigha toshmighan balilarning yeslige kirish nisbiti 98. 19 Pirsent, toqquz yilliq mejburiy ma'arip nisbiti 95. 69 Pirsent, toluq ottura mekteplerge kirish nisbiti 98. 87 Pirsentke yetken. Xitay hökümiti 2017-yili 9-aydin bashlap Uyghur rayondiki ottura-bashghlan'ghuch mekteplerde Uyghur tilida oqutushni birdek bikar qilip, ichkiri xitay ‍ölkiliridin köplep xitay oqutquchilarni qobul qilishqa bashlighan idi.

“Shijang géziti” ning xewiride “Shijangdiki her millet yash-ösmürlirining ma'arip hoquqigha heqiqiy kapaletlik qilin'ghanliqi” tekitlen'gen. Közetküchiler, xitayning b d t kishilik hoquq aliy komissari mishél bachélét bu hepte Uyghur élida ziyarette bolidighan bir waqitta, “Shijangdiki her millet yash-ösmürlirining ma'arip hoquqigha heqiqiy kapaletlik qilin'ghanliqi” ni tekitlishining tasadipiyliq emeslikini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet