Xitay hökümitining xénende meschitlirini "Xitaychilashturushi" tungganlarning naraziliqini qozghighan

Muxbirimiz erkin
2019-05-31
Share

Xitay hökümiti Uyghur aptonom rayonida yolgha qoyghan meschitlerni chéqish, qubbe munarlirini éliwélip, uning qurulush sheklini "Sherq uslubi" gha özgertish herikiti xitayning ichkiri ölkiliridiki tungganlar olturushluq rayonlarda yolgha qoyulushqa bashlighan.

"Zimistan" torining xewer qilishiche, yéqinda xitayning xénen ölkisi puyang nahiyesidiki bir tunggan meschitining qubbisi we uningdiki ay yultuzluq islami simwol chéqip tashlan'ghan. Xewerde, puyang nahiyelik hökümetning 4‏-may küni meschitning qubbe we ay yultuzluq belgisini mejburiy chéqish tashlighanliqi, uni chéqip tashlashqa 6 ün waqit ketkenlikini bildürgen. Yerlik tungganlarning "Zimistan" torigha bildürüshiche, mezkur meschitning qubbe we ay yultuzluq belgisi 43 ming dollargha pütken bolup, u bu nahiyediki eng chong islami simwol ikentuq.

Nöwette uning del ramizanning 1‏-küni chéqip tashlinishi diqqet qozghimaqta. "Zimistan" torining bildürüshiche, puyang nahiyelik islam jem'iyiti ramizan harpisida uqturush chüshürüp, ölkilik diniy tekshürüsh ömikining barliq meschitler choqum "Xitaychilashturulushqa" emel qilishi kéreklikini telep qilghanliqi, shu munasiwet bilen puyangdiki mezkur meschitning qubbe we ay yultuz belgisining chéqip tashlinip, uning qulush sheklining "Xitay uslubi" özgertilidighanliqini bildürgen. Xewerde, diniy ishlar idarisining bir emeldarining sözi neqil keltürülüp, bu memliket xaraktérlik heriket. Buninggha oxshash simwolluq belgilerning hemmisi choqum élip tashlinishi kérek chéqip. . . . . . . . . Eger buninggha tosqunluq qilinsa meschit pütünley chéqip tashlinidu" dégen.

Xitayning meschitlerni chéqishi yaki uningdiki qubbe we islam belgilerni élip talishi Uyghur rayonidin bashlan'ghan. Chet'eldiki "Uyghurizim" namliq torning xewiride bayan qilinishiche, xitay hökümiti hazirghiche Uyghur rayonidiki meschitlerning 80 % qubbe we munarilirini chéqip bolghan. Az dégende 5000 meschit pütünley chéqiwétilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet