Xitay hökümiti Uyghur élining jenubidiki üch wilayet bir oblastta xitay tili oqutushini kücheytish koyida

Muxbirimiz irade
2020-09-10
Share

Xitay hökümiti Uyghur élining jenubidiki wilayet-oblastlarda xitay tili oqutushini kücheytish, jümlidin xitay ölkiliridin yenimu köp xitay oqutquchi yötkesh üchün mexsus yardem meblighi ajratqan.

"Aqsu axbarat tori" ning bu heqtiki xewiridin qarighanda, Uyghur aptonom rayoni yil béshida aqsu wilayitige chüshürüp bergen tekliplik oqutquchilarning 95 milyon 950 ming yüen ma'ash xaraktérlik toluqlima yardem meblighi asasida, kéyinki yérim yildimu yene 95 milyon 950 ming yüen chüshürgen.

Xewerde bu mebleghning meqsiti éniq qilip: "Jenubiy shinjangdiki üch wilayet, bir oblastning öz aldigha oqutquchi teklip qilish xizmitini dawamliq qollash, dölet ortaq til-yéziqi (xitay tili) oqutquchiliri kemchil bolush mesilisini hel qilish" dep körsetken.

Xitay da'irilirining yalghuz aqsu wilayitige chüshürgen meblighining bunche yuqiri bolushi xitay da'irilirining jenubta xitay tilini omumlashturush we xitay oqutquchilarni yötkeshke qattiq küchewatqanliqidin dérek béridiken.

Aldinqi küni "Tengritagh tori" bir xewer tarqitip, Uyghur rayonida "Alahide xizmet orni pilani" boyiche 2019-yilghiche 99 ming 200 neper oqutquchi teklip qilin'ghanliqini, bularning ichide 70 pirsentidin köpreki yéza-qishlaqlardiki mekteplerde ishleydighanliqini we nöwette 2020-yilliq oqutquchi teklip qilish xizmitining dawamlishiwatqanliqini xewer qilghan idi. Xewerde yene teklip qilin'ghan oqutquchilarning asasen dégüdek xitay ölkiliridin kelgen xitay oqutquchilar ikenliki melum bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet