Уйғурлар мәҗбурий йосунда җоңчю байрими өткүзди

2019-09-17
Елхәт
Пикир
Share
Принт

Бу йил 13-сентәбир күни хитайниң әнәниви байрамлиридин болған җоңчю байрими (тавуз чағини) болуп, бу күндә уйғурлар дияриниң һәрқайси җайлиридики уйғурлар хитайларниң адәтлири бойичә бу хитай байримини қутлашқа мәҗбурланди.

«Тәңритағ» ториниң 14-сентәбирдики хәвиридә ейтилишичә, һәрқайси наһийә вә шәһәрләрдики уйғурлар өзлиригә чүшкән хизмәт гуруппилиридики хитайлар, шуниңдәк өзлириниң хитай «туғқан» лири билән бир дастиханда ғизалинип бу байрамни бирликтә тәбриклигән.

«Ақсу гезити» ниң 17-сентәбирдики хәвиридә ейтилишичә, ақсу вилайитидики уйғурлар шу күни «җоңчю кечиси» панус сәйлисигә тәшкилләнгән болса, башланғуч мәктәптики уйғур оқуғучилар «җоңчю байримида җуңхуаниң классик шеирлирини декламатсийә қилиш паалийити» гә қатнаштурулған.

Хитай һөкүмитиниң уйғурларға хас байрамларни өткүзүшкә чәк қоюп, уйғурларни хитай байрамлирини қутлашқа тәшкилләш һәққидә америкидики уйғур зиялийлиридин қаһар барат «бу хитай һөкүмити өткән 70 йил җәрянида изчил әмәлгә ашурмақчи болуп кәлгән нишанларниң бири» деди.

Пикирләр (0)
Share
Толуқ бәт