Uyghurlar mejburiy yosunda jongchyu bayrimi ötküzdi

2019-09-17
Élxet
Pikir
Share
Print

Bu yil 13-séntebir küni xitayning en'eniwi bayramliridin bolghan jongchyu bayrimi (tawuz chaghini) bolup, bu künde Uyghurlar diyarining herqaysi jayliridiki Uyghurlar xitaylarning adetliri boyiche bu xitay bayrimini qutlashqa mejburlandi.

"Tengritagh" torining 14-séntebirdiki xewiride éytilishiche, herqaysi nahiye we sheherlerdiki Uyghurlar özlirige chüshken xizmet guruppiliridiki xitaylar, shuningdek özlirining xitay "Tughqan" liri bilen bir dastixanda ghizalinip bu bayramni birlikte tebrikligen.

"Aqsu géziti" ning 17-séntebirdiki xewiride éytilishiche, aqsu wilayitidiki Uyghurlar shu küni "Jongchyu kéchisi" panus seylisige teshkillen'gen bolsa, bashlan'ghuch mekteptiki Uyghur oqughuchilar "Jongchyu bayrimida jungxu'aning klassik shé'irlirini déklamatsiye qilish pa'aliyiti" ge qatnashturulghan.

Xitay hökümitining Uyghurlargha xas bayramlarni ötküzüshke chek qoyup, Uyghurlarni xitay bayramlirini qutlashqa teshkillesh heqqide amérikidiki Uyghur ziyaliyliridin qahar barat "Bu xitay hökümiti ötken 70 yil jeryanida izchil emelge ashurmaqchi bolup kelgen nishanlarning biri" dédi.

Toluq bet