Xitayning kanadadiki öktichilerni qorqutush herikiti heqqidiki doklat kanada hökümitige yollan'ghan

Muxbirimiz jüme
2018-01-06
Élxet
Pikir
Share
Print

Xelq'ara kechürüm teshkilatining kanada shöbisi qatarliq organlar xitayning kanadadiki Uyghurlarni öz ichige alghan kishilik pa'aliyetchilirige qaritilghan qorqutush herikiti heqqide bir doklat teyyarlap kanada hökümitige yollighan.

Kanadadin chiqidighan "Millet pochta géziti" ( "Nati'onal pochtisi" ) ning 5-yanwar xewer qilishiche, doklat mezmuni qet'iy mexpiy bolup, doklat bu yilning béshida kanada hökümitige tapshurulghan.

Doklatta xitay hökümet xadimlirining kanadadiki siyasiy we kishilik hoquq pa'aliyetchilirige qaratqan keng kölemlik tehdit sélish herikiti tepsiliy bayan qilin'ghan. 

Doklatta xitay da'irilirining kanadadiki pa'aliyetchiler heqqide intérnét arqiliq xata uchur tarqitish herikitidin bashlap, ulargha qaratqan biwasite tehditliri xatirilen'gen. 

Xewerde körsitishiche, doklatta yene xitay da'iriliri "5 Xil zeher" dep qaraydighan Uyghurlar, tibetler, teywenlikler we falun'gong muritliri yoluqqan tehditler misallar bilen körsitilgen. 

Xewerde xelq'ara kechürüm teshkilati kanada shöbisining bash katipi aléks newéning éytqanliridin neqil élishiche, pa'aliyetchilerge qaritilghan hujumlar unda-munda yüz bérip qalghan hadise emes iken.

U mundaq dégen: "Bu tehditlerde bir izchilliq bar. Bir chet'el hökümitining kanadada kishilik hoquqning ulini aktipliq bilen kolishi ademning könglini ghesh qilidighan bir misal."

Xewerde öz kimlikini mexpiy tutqan bir xitay pa'aliyetchining éytqanliridin neqil élip körsitishiche, u aldinqi yili xitaydiki yurtini ziyaret qilghanda xitay mexpiy xadimliri uning keynige kiriwalghan we u kanadagha qaytishida uninggha tehdit sélip, bu ishlarni ashkarilimasliqni, özi we uruq-tughqanlirining bixeterlikige hézi bolushi kéreklikini éytqan.

Xitay da'irilining yéqini yillardin béri chet'ellerdiki Uyghurlargha her xil yollar bilen tehdit sélishni kücheytkenliki melum.

Radi'omizgha ziyaret bergüchiler xitay hökümet da'iriliri yurtidiki tughqanlirini görüge éliwélish arqiliq ularni xitaygha qaytishqa, yaki xitaygha mayil pikirlerde bolushqa qistighanliqini ashkarilighan idi.

Toluq bet