Washin'gton pochtisi: “Xitayning amérikagha sozulghan diktatorluq uzun qolini toxtitish tolimu muhim”

Muxbirimiz erkin
2022.05.09
Share on WhatsApp
Share on WhatsApp

Amérikaning “Washin'gton pochtisi” géziti 6-may tehrirat maqalisi élan qilip, xitayning amérikadiki ‍öktichi, zhurnalist, pa'aliyetchi, tijaretchiler, shuningdek Uyghur, tibet qatarliq milletlerge sozulghan uzun qolini toxtitishning tolimu muhimliqini bildürgen. “Xitayning amérikagha sozulghan diktatorluq uzun qoli” namliq tehrirat maqaliside éytilishiche, qanun bilen bashqurulidighan héchqandaq bir dölet xitayning bundaq ighwagerchilikige, bolupmu uning amérikada chongqur yiltiz tartqan gumnashtilirigha yol qoymasliqi kérek iken.

Maqalida, xitayning dölet ichide söz erkinlikini boghush bilen bir waqitta, özining agéntlirini gherb döletlirige ewetip, sözleshke jür'et qilghanlarni parakende qilish, qorqutush, nazaret qilish, qachurushtek qilmishlar bilen shughullinip kelgenliki, buning görüge tutup xitaygha qayturup kétish, xelq'ara saqchi teshkilati-intérpolni suyi'istémal qilish, a'ile tawabi'atlirigha bésim ishlitish qatarliq wasitilerni öz ichige a‍lidighanliqi tekitlen'gen. Maqalida éytilishiche, xitayning intérpolgha sun'ghan qizil tashliq tutush buyruqi jiddiy artqan bolup, bu siyasiy ‍öktichilerni, tijaretchilerni nishan qilipla qalmay, xitayning basturushidin qachqan Uyghur we tibetlernimu nishan qilghaniken.

Maqalida, xitayning bu herikiti amérika edliye ministirliqining bu yil 3-ayda 5 kishini jawabkarliqqa tartip, ularni xitay mexpiy saqchisigha wakaliten “Amérika ahalisini nazaret qilish, parakendichilik we jasusluq qilish” bilen eyibligendin kéyin téximu diqqet qozghighanliqi tekitlen'gen. Maqalida éytilshiche, amérika tashqi ishlar ministirliqining yilliq kishilik hoquq doklatida xitayning dölet halqighan basturush heriketlirini gewdilendürüshi bu jehettiki ‍ijabiy qedem bolup, “Mustebitlikning mehsuli bolghan bu set qilmishning qanun'gha hörmet qilidighan démokratik döletlerge tarqilishini tosush tolimu muhim” iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet