Хитай таҗикистанға бир алюмин завути қурушни пилан қилған

Мухбиримиз җүмә
2017-11-18
Елхәт
Пикир
Share
Принт

Хитай даирилири уйғур ели билән чегрилинидиған таҗикистанға зор миқдарда мәбләғ селип, бир алюмин завути қурушни пилан қилған.

Фирансийә агентлиқиниң хәвәр қилишичә, 1 милярд 600 милйон доллар қиммитидики мәбләғ таҗикистан дөләт игидарчилиқидики «талко алюмин ширкити» гә селинидикән. 

Мәзкур завутниң қурулушини хитайдики йүннән қурулуш инженерлиқи гуруһи үстигә алидикән. Қурулуш таҗикистанниң ғәрбидики турсунзадә шәһиридә әсли мәвҗут болған алюмин пишшиқлап ишләш завутиға йеқин бир җайға ясилидикән. Бу завутниң йиллиқ ишләп чиқириш миқдари 500 миң тонна болуп завут йәнә бир йерим йилда ишқа кириштүрүлидикән. 

Хәвәргә қариғанда, нөвәттә турсунзадә шәһиридә мәвҗут талко алюмин завутиниң йиллиқ ишләпчиқириш миқдариму 500 миң тонна болуп, әмма ток йетишмәклик сәвәбидин завут бу йилниң алдинқи 9 ейида пәқәт 76 миң тонна алюмин ишләп чиқарған. 

Хәвәрдә көрситишичә йәнә, һөкүмәт даирилири йеңи қурулидиған алюмин завути вә нөвәттики ток йетишмәслик мәсилисини һәл қилиш үчүн бир су еликтур истансиси су тосмиси ясашқа башлиған. 

Тосма қурулуши 2016-йили башланған болсиму, һөкүмәт даирилири 4 милярд доллар кетидиған бу қурулушниң мәбләғ мәсилисини техи толуқ һәл қилип болалмиған. 

Таҗикистан сабиқ совет иттипақи җумһурийәтлиридин бири болуп, һазирқи русийә федератсийәси бу дөләтни өзиниң тәсир даирисидики бир район, дәп қарайдикән. 

Барғанчә йеқинлишиватқан хитай таҗикистан мунасивәтлириниң таҗикистанниң русийә билән болған мунасивәтлиригә қандақ тәсир көрситидиғанлиқи, хитайниң бу дөләттә күнсайин күчийиватқан иқтисадий мәвҗутлуқиға русийәниң қандақ инкас қайтуридиғанлиқи һазирчә мәлум әмәс. 

Таҗикистан уйғур елиниң қәшқәр вилайити билән чегрилиниду.

«Дипломат» ториниң хәвәр қилишичә, шу сәвәбтин хитай таҗикистанниң муқимлиқи вә хәвпсизликигә алаһидә диққәт билән қарайдикән.

Хәвәрдә көрситишичә, хитай әгәр таҗикистанда бирәр ички қалаймиқанчилиқ чиқип қалса, бу таҗикистан билән қошна болған уйғур елигә чоқум тәсир көрситиду, дәп қарайдикән.

Пикирләр (0)
Share
Толуқ бәт