Prézidént tramp xitayning nazuk téxnikilarni oghurlishining aldini élish üchünmu heriketke ötti

Muxbirimiz shöhret hoshur
2018.03.29

Amérika prézidénti donald tramp aldinqi hepte xitayning 60 milyard qimmitidiki meblighige chégra béji qoyidighanliqini élan qilghan idi, emdi, xitayning amérikining nazuk téxnikilirini oghrilishining aldini élish üchün, maliye ministirlikige uqturush chüshürgen. Uqturushta 22 ‏-marttin 60 kün ichide xitay terep meblegh sélishqa bolmaydighan nazuk téxnikilarni békitip chiqish tapshurulghan. Blumbérg teripidin xewer qilinishiche, donald tramp xitay shirketlirining amérikidin nazuk téxnikilarni oghrilishining aldini élish üchün 1977 ‏-yili maqullan'ghan “Xelq'ara iqtisadiy jiddiy weziyet qanuni” din paydilinidiken. Melum bolushiche, mezkur qanunda amérika prézidéntigha xelq'ara iqtisadiy weziyette jiddiy xewp shekillen'gende derhal tedbir qollinish hoquqi bérilgen. 41 Yilliq tarixqa ige bu qanun hazirgha qeder asasen dégüdek qollinilmighan. Donald tramp aldinqi hepte xitay mallirigha chégra béjini ashuridighanliqi heqqidiki qararini élan qilghandin kéyin, buning xitaygha qarita soda saheside qollinidighan köpligen jaza tedbirliridin peqet biri ikenlikini eskertken idi.

Blumbérgning xewiride yene déyilishiche, donald tramp hakimiyet béshigha kelgendin kéyin, xitay shirketlirining amérikidin alghan paydisi, bultur, ötken yilqi 53 milyard dollardin 28 milyard dollargha chüshken. Nöwette maliye ministirliqi xitay shirketlirining amérika eqliy mülüklirini oghrilishining aldini élishning konkrét pilanini tüzmekte.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.