Ш у а р сиясий-қанун секретари: «арал шәһиригә техиму көп адәм йиғиңлар»

Мухбиримиз әркин
2020-05-11
Share

Уйғур аптоном районлуқ сиясий қанун комитетиниң секретари ваң җүнҗең арал шәһирини зиярәт қилип, мәзкур шәһәргә техиму көп адәм йиғишни, униң «биңтуән» ниң җәнубқа кеңийишидә авангартлиқ рол ойлинишини тәләп қилған. «Биңтуән гезити» ниң хәвәр қилишичә, у бу сөзләрни 8 вә 9-май күнлири «шинҗаң ишләпчиқириш қурулуш армийәси», йәни «биңтуән» 1-девизийәси турушлуқ мәзкур шәһәрдә хизмәт тәкшүрүшидә болғанда тәкитлигән. Униң хитай һөкүмити уйғур дияриға кәң көләмлик көчмән йөткәш долқуни қозғаш билән биргә, йәрлик уйғурларни «ишқа орунлаштуруш» намида ичкири өлкиләргә йөткәватқан мәзгилдә арални зиярәт қилип, бу сөзләрни қилиши диққәт қозғиди.

Чәтәллик мутәхәссисләр, хитайниң нопусни уйғурларға қарши бир хил қорал сүпитидә ишлитиватқанлиқи, униң хитай нопуси арқилиқ уйғурларни пассип әһвалға чүшүрүп қоюшни пиланлаватқанлиқини илгири сүрмәктә. Ваң җүнҗеңниң тәкитлишичә, арал шәһири «компартийәниң йеңи дәврдики шинҗаңни башқуруш истратегийәсини тәврәнмәй әмәлийләштүрүши, болупму иҗтимаий муқимлиқ вә узун муддәтлик әминликниң баш нишани, ши җинпиңниң биңтуәнниң орнини бекитиш тоғрисидики тәлипини қәтий әмәлийләштүрүши. . Биңтуәнниң җәнубқа кеңийишидә авангартлиқ рол ойниши тәләп қилинидикән».

У йәнә «биңтуән» ниң «һәр хил муқимлиқ тәдбирлирини әмәлийләштүрүп, униң тәвәликидики районларниң муқимлиқиға капаләтлик қилиш, йәрликниң муқимлиқини қоғдаш ишлириға актип қатнишиши, кишиләрниң бихәтәрлик туйғусини өстүрүп, уларни җәлп қилидиған муһит яритиши, униң техиму көп кишиләрни йиғиши» тәләп қилинидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт