Aqsu wilayitige qobul qilin'ghan 134 alahide shtatliq oqutquchidin aran 5 nepirining Uyghur bolushi diqqet qozghidi

Muxbirimiz irade
2019-08-29
Share

Yéqinda aqsu wilayetlik ma'arip idarisi bu yil wilayet tewesidiki herqaysi bashlan'ghuch-ottura mekteplerge bir tutash qobul qilin'ghan 134 neper alahide shtatliq oqutquchilarning tizimlikini élan qildi.

Awat nahiyelik hökümet torida élan qilin'ghan mezkur tizimliktin ashkarilinishiche, qobul qilin'ghan 134 neper alahide shtatliq oqutquchining aran 5 nepiri Uyghur millitidin bolup, qalghanlarning hemmisi xitay iken.

Uyghurlar nopusi zich jaylashqan aqsu wilayitidiki oqutquchilarning millet terkibidiki bu éghir tengpungsizliq diqqet qozghidi.

Dunya Uyghur qurultiyining bayanatchisi dilshat rishit bu heqte toxtilip, yuqiriqi bu weqening hazir Uyghur élining bashqa rayonliridimu birdek mewjutluqini, Uyghur élidiki ish pursetliridin xitaylarning paydiliniwatqanliqini bildürdi.

Derweqe, yéqindin buyan Uyghur élidiki tor betlerde xitay miqyasi boyiche oqutquchi we saqchi xadimi qobul qilish heqqide élan qiliniwatqan uqturushlarning alahide köplüki diqqet qozghighan.

Dilshat rishit xitay hökümiti Uyghur élide lagér tüzümini yolgha qoyup, az dégende 2 milyon Uyghur, qazaq qatarliq yerlik xelqlerni lagérlargha qamighandin kéyin rayonni xitay köchmenler bilen toldurush arqiliq mutleq kontrolluqni ishqa ashurushni közlewatqanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.