En'gliyening sabiq xongkong waliysi her qaysi döletlerni xitaygha qarshi heriket qollinishqa chaqirghan

Muxbirimiz jewlan
2020-09-23
Share

"Kanada yer shari pochta géziti" torining 22-séntebir xewer qilishiche, en'gliyening axirqi qétim xongkongda wezipe ötigen sabiq waliysi kris pattén (Chris Patten) en'gliyening burunqi mustemlike zéminliri künséri tehditke uchrawatqan bügünki künde kanada qatarliq döletlerni xitayning asiya sheherliridiki xelqni basturushigha qarshi birlikte heriketlinishke chaqirghan. U bir qanche qétimliq tor söhbiti we yighilishlarda, her qaysi döletlerning xitayning bésimigha tiz pükmeslik kéreklikini tekitlep mundaq dégen: "Xitaylar barghanla yéride hörkürep, warqirap yürgende bizmu birlikte ulargha qarap warqirishimiz lazim. Bolmisa, ular bizni yulup tashliwétidu. Biz xitaygha gep qilghanda da'im qorqup tügülüp yürimiz."

Xewerde éytilishiche, xitay xongkongda yéngi "Dölet xewpsizliki qanuni" ni yolgha qoyghan üch aydin buyan jinayi ishlargha zerbe bérishni nishan qilip, xongkongda basturush élip barghan. Amérika tashqi ishlar ministiri mayk pampéyoning xitay ishliri meslihetchisi milés yü (Miles Yu): "Xitayning xongkongda yürgüzgen 'bir dölette ikki xil tüzüm' siyasiti eslidila aqmaydighan idiye idi," dégen. Gherb elliri asiya sheherliri bilen jinayetchi ötküzüp bérish kélishimini bikar qilghandin bashqa, xitayning xongkongdiki basturushlirigha qarita héchqandaq heriket qollanmighan.

Kris pattén ependi yene dunyaning her qaysi jayliridiki parlamént ezalirigha xitab qilip, xitayning xongkongdiki erkinlik we kishilik hoquqni depsende qilish qilmishini muzakire qilishqa chaqiriq qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet