Хоңкоң намайишчилири билән һөкүмәт оттурисидики сөһбәт нәтиҗисиз ахирлашти

Мухбиримиз меһрибан
2014-10-21
Елхәт
Пикир
Share
Принт

21-Өктәбир сәйшәнбә күни өткүзүлгән хоңкоң намайишчилири билән һөкүмәт оттурисидики сөһбәт 2 саәт давамлашқан болуп, хәлқара мәтбуатларда сөһбәтниң нәтиҗисиз ахирлашқанлиқи илгири сүрүлмәктә.

Хитайниң һөкүмәт хәвәрлиридә хоңкоң йәрлик һөкүмитиниң намайишчи оқуғучилар билән өткүзгән сөһбәттә «принсипал мәсилиләрдә охшимиған қараш мәвҗут болсиму, лекин икки тәрәп сөһбитидә ортақ нуқтилар барлиққа кәлгән» лики тәкитләнди. Әмма намайишчи оқуғучилар вәкиллири хәлқара мәтбуатларға бәргән баянатида «сәйшәнбә күни өткүзүлгән сөһбәттин үмидсизләнгәнлики»ни билдүргән.

Радиойимизниң хоңкоңдин бәргән хәвиридин мәлум болушичә, сөһбәттин кейин хоңкоңдики намайишчи оқуғучилар вәкили мухбирларға баянат берип, улар оттуриға қойған тәклипләрни даириләр қобул қилмиғачқа, сөһбәтниң нәтиҗисиз аяғлашқанлиқини билдүрүп, оқуғучиларниң намайишни йәнә давамлаштурушни қарар қилғанлиқини елан қилған.

21-Өктәбир күни хоңкоң намайиши 24-күнигә қәдәм қойған болуп, намайишниң тәрәққияти вә хоңкоң вәзийити йәнила хәлқараниң диққәт нуқтиси болмақта.

Пикирләр (0)
Share
Толуқ бәт